सामान्यत भजनया नियमित पंच भजन वा परवना÷परिबन्दना’ हाले क्वचायेकाः मेमेगु फर्मास म्ये महासे खाली रासैरास म्ये जक हालाः याइगु भजनयात रास भजन धाइगु खः । रास म्ये धायेबलय् भगवान श्री कृष्ण राधा व अन्य गोपीनी गणपिं लिसेया रासलीलाया बारे चिनातःगु श्रृङ्गार रसया म्येत खः । न्हापा न्हापा स्वनिगःया आपालं हरिभजनय् फर्मास म्ये हालेगु इलय् रास म्ये हालेगु चलन दु । येँया आकाश भैरव व न्यत, सिंहसतःया भजन । यलया कृष्ण मन्दिर, म्वःमदु गल्लीया छिन्नमस्ताया भजन, पतको त्वाःया गणेद्यः, बगलामुखीया भजन आदि ख्वपया हनुमानघाटया राम मन्दिरय्, दत्तात्रयया भजनय् व मेमेगु त्वाःत्वाःया भजनय् नं रास म्ये हालेगु चलन दु । लुमंकेबहःगु खँ छु दु धाःसा ख्वप दत्तात्रयया भजनया नां हे ‘दत्तात्रय रास भजन मण्डल’ खः ।
अतिकं लोकंह्वाःगु छपु रास म्ये
झुला झुलत ।। झुला झुलत राधा श्याम झुले ।।धु।।
राधा झुले, श्याकम झुलावत ।
पवन चलन, सनननन, सननन, सनननन ननन ।।१।।
सव सखियन मिली, श्याम झुलावत ।। घुरिवा हेरी, झननन झननन, झननननन ।।२।।
विन्द्रावनके कुञ्ज गलीम्ये ।।
लेत पवन, तननन तननन, तननननन ।।३।।
चन्द्रसखि भजो, बालकृष्ण छवि ।।
पवन चलन, सननन, सननन, सननननन ।।४।।