ने.सं. १०६२ य् जन्म जूम्ह पुष्पलता प्रधान श्रेष्ठ मिसा च्वमिपिं मध्यय् दकलय् न्हापां कीगः बाखं सफू (ने.सं. १०८३) पिथनेत ताःलाःम्ह बाखंच्वमि खः । थ्वय्कःयात नेपालभाषाया छम्ह सशक्तम्ह मिसा बाखंच्वमि कथं कायेगु याः । मिसातय्के चेतना जागृत यायेगु तातुनाः मिसापिंत जुइगु शोषण, असमान व्यवहार बाखनय् उला क्यनेगु थ्वय्कःया बाखंया मूलभूत प्रवृत्ति खः । अवसर दत धाःसा मिसापिं नं मिजंपिं थें न्ह्यज्याये फु, मिसापिं न्ह्याबलें अन्याय सह यानाः जक च्वनीमखु धयागु बिरोधया सः नं थ्वय्कलं थःगु बाखनय् थ्वयेकादीगु दु ।