राजेन्द्र स्थापित

वरिष्ठ पत्रकार राजेन्द्र स्थापित अबु आशारत्न स्थापित व मां नीलप्रभा स्थापितया कोखं जन्म ने.सं. ११८० दिल्लागा ९ कुन्हु येँया भिंद्यः त्वालय् जूगु खः । नेपालभाषा पत्रकारिता ख्यलय् ताःई निसें कलम न्ह्याकादीम्ह वय्‌कः थौंकन्हय् जनआस्था वाःपौया प्रबन्ध सम्पादक जुयादी ।

इनाप वाःपौपाखें पत्रकारिता सुरु यानादीम्ह वय्‌कलं विश्वभूमि न्हिपौ, राजमति वाःपौ, गथु लय्‌पतिइ नं ज्या यानादीगु दु । वय्‌कःया सम्पादनय् लुँस्वां डाइजेस्ट, लाय्‌लामा डाइजेस्ट, स्थापित खलःया दँपौ आदि पिदंगु दुसा खस नेपाली भाय्‌या वाःपौ दृष्टिइ नं ज्या यानादीगु दु । अथेहे वय्‌कःया तःगू हे नेपालभाषाया पत्रपत्रिकाय् लेख रचना पिदंगु दु ।

नेपालभाषा मंकाः खलकय् स्थापना कालं निसें सक्रिय जुयादीम्ह वय्‌कः न्हू पुचः भिंद्यःत्वाःया संस्थापक नायः खः । अथेहे वय्‌कलं गथु पुचः, देय् भ्वय् छेँ, स्थापित खलः लिसें थीथी संस्थाय् आवद्ध जुयाः नेपालभाषा थपू यायेगु निंतिं ज्या यानादीगु दु । वय्‌कःयात ने.सं. १११६य् विश्वभूमि धुस्वां पत्रकारिता सिरपाः लःल्हाःगु खः ।

Author: Sanil Sthapit on July 14, 2025
Category: भाषा, लिपि व साहित्य
Tags: , , , , , ,

Leave a Reply

Your email address will not be published. Required fields are marked *

Last articles