बागलुङ्गया भाजु अश्विनीकुमार व मय्जु खड्गकुमारीया काय्भाजु रामकुमार सन् १९३९ स बूम्ह खः । भारतया केरला विश्वविद्यालयपाखें यौनरोग सम्बन्धि विशेष उपचार विधि ब्वनावःम्ह थ्वय्कः सन् १९७२ स वेलायत लिभरपुर विश्वविद्यालयपाखें चर्म रोग उपचार सम्बन्धय् उच्च शिक्षा कयाः वल । चर्म रोग उपचारया ख्यलय् थ्वय्कः छम्ह न्ह्यलुवाः खः । लिपा थ्वय्कलं एडस् ल्वय् नियन्त्रणया ख्यलय् नं आपालं ज्या यानादिल ।