हेटौंडाया भाषासेवी रुद्रहरि जोशीया जन्म वि.सं. १९८९ फागुन महिनाय् यलय् जूगु खः । वय्कः मकवानपुर जिल्लाय् लाःगु हेटौंडाया भाषासेवी खः । वय्कः हेटौंडाया नेपालभाषा खलःया पुलांम्ह नायः जुयादी । वय्कः ने.सं. ११०९ निसें निगू कार्यकाल खलःया नायः जुयादीगु खः । वय्कलं खलःया नायः जुयाः हेटौंडाय् ‘नेवाः पुस्तकालय’ पलिस्था यानादीगु खःसा हिटौंदाय् नेवाः संस्कृति नेवाःभाय्या प्रवद्रधनया निति नं आपालं ज्या यानादीगु दु ।