मां राजेश्वरी भुजू व बौ सूर्यलाल भुजूया काय् जुयाः बंशगोपाल त्वा, ख्वपय् ने.सं. १०८१ गुँलाथ्व १४ कुन्हु जन्म जूम्ह सुरेन्द्रलाल भुजू सरस्वती क्याम्पसया दँ पौ १ (११०१)य् जिगु आज्जु पिचुकेगु वांचिंदागु लँ शीर्षकया चिनाखँ ज्वना पिलुझाःम्ह कवि खः । चिनाखँ, चिबाखं नितां विधाय् ल्हाः न्ह्याकादीम्ह वय्कःया हाकु सुपाँय् सिथय्या जः (चिनाखँ मुना ११४०) पिदंगु दु । स्नात्तक तह तक ब्वनादीम्ह सुरेन्द्रलाल भुजू बनेज्याय् तक्यना नं थीथी थासय् जुइगु साहित्य मुंज्याय् साहित्य न्यंकादीम्ह नेपालभाषा साहित्यया छम्ह ह्यःमि खः ।