पुष्प मुनंकःमिया च्वसां पिज्वःगु ई मदुगु ई चिनाखँ सफू ने.सं. ११३३ सिल्लाथ्व १५ कुन्हु कुतः पिकाकः पाखें पिदंगु खः । थुकी ईया बिम्ब दयेकाः च्वयातःगु न्हय्न्यापु चिनाखँ दुथ्यानाच्वंगु दु । थौंया परिवेशयात कुनीति, स्वार्थी, राजनैतिक चेतना विकास गुकथं भग्नावशेष जुयाच्वन उकिया दृश्य न्ह्यथनातःगु दु । मनूत मनू जुइ मफयाच्वंगु खनाः ई लज्या चायाच्वंगु दृष्य व्यञ्जनापूर्ण रुपं अभिव्यक्त यानातःगु दु ।