कथहं मय्‌जु नःलि वज्राचार्यं च्वयादीगु छगू सामाजिक उपन्यास खः । मय्‌जु प्रमिला वज्राचार्यं ने.सं ११४१ य् पिकयादीगु  थ्व उपन्यासयात २६ अध्यायय् ब्वथलातःगु दु । वरिष्ठ आख्यानकार मथुराकृष्ण साय्‌मिया आह्वानय् च्वःगु थ्व उन्यास, उगु मिसा उपन्यास प्रतियोगिताय् सान्त्वना पुरस्कार त्याकेत ताःलाःगु दु । थ्व कथहं उपन्यास थःगु बचं थःगु दायित्व पूवंकेत थःगु मतिनायात आहूति ब्यूम्ह छम्ह मिसाया जीवनया बाखं खःसा बौद्ध नेवाः इहिपाः पद्धतिया सविस्तार चित्रण दुगु छगू आंचलिक उपन्यास धायेबहगु उपन्यास नं खः ।