कनेमज्यूगु बाखं उपन्यासकार राज साय्‌मिया नेपालभाषां पिदंगु प्यंगूगु जासुसी उपन्यास खः । अर्थ पिथना प्रकाशन प्रा.लि. पाखें ने.सं. ११३४ य् पिदंगु थ्व उपन्यासय्  नं राज साय्‌मिया न्हापालिपाया उपन्यासय् थें ब्वमिपिंत सफू ब्वने क्वमचाःतले झुमिं यंकातइ थें पाठकपिनिगु मन सालेफुगु विशेषता दु । मू कथावस्तु नापनापं समसामयिक देशकाल परिस्थितियात नं ब्वयायंकेफुगु थ्व उपन्यासया मेगु विशेषता जूगु दु ।