करुणा मय्‌जु अपर्णा प्रधानया खुगूगु उपन्यास खः । कुतः पिकाकः पाखें ने.सं. ११३९ य् पिदंगु थ्व उपन्यासय् स्वीगुद्या दु । थ्व नेवाः समाजया सामाजिक परिवेशय् च्वयातःगु सामाजिक उपन्यास खः । थ्व करुणा उपन्यास नेवाः समाजय् नारी जातिया अहम् भूमिकायात ब्वयातःगु उपन्यास खः । मिसायात छेँया दथुअंगः खः धकाः नारीजातिया महत्तायात ब्वयातःगु थ्व उपन्यासय् नेवाः संस्कृति, धर्मकर्म, तजिलजि आदि गुगु थौं तनावनीगु स्थितीइ थ्यनेधुंकूगु दु उकिया नं शूक्ष्म वर्णन उपन्यासया अन्तरंग अंग थें यानाः दुथ्याकातःगु दु ।