थ्वय्कः छम्ह नांदंम्ह कृषि विशेषज्ञ खः । त्रिशुलीया हीरालाल श्रेष्ठया काय् भाजु जर्जिया विश्वविद्यालय, संयुक्तराज्य अमेरिकापाखें कृषि विषयस स्नातकोत्तर याना झाःम्ह खः । अथे हे थ्वय्कः फिलिपिन्सपाखें थी थी कृषिया पुसात बिकास यायेगु न्हूगु प्रविधिया शिक्षा हासिल यानादीम्ह खः । वय्कलं जनकपुरया कृषि फार्मय् तःदँतक कृषि विशेषज्ञकथं सेवा यानादिल ।

सन् १९३४ स ख्वपया भ्वलाछेँय् जन्म जूम्ह थ्वय्कलं वेलायतया इडनवगए विश्वविद्यालयपाखें भूगोल बिषयस स्नातकोतर यानादिल । लिपा १९८० स त्रिविविपाखें हे थःगु बिषयया विद्यावारिधि क्वचायेकल । अबु जनकबहादुर व मां जनकमायाया काय्मचा चन्द्रबहादुरया विशेषज्ञता धैगु एकिकृत भूउपयोग खः । नापनापं नेपालय् प्रारम्भिक इलय् मानव भूगोलया विषयया ज्ञान बियादीम्ह थ्वय्कः हे जुल । वय्कलं राष्ट्रिय योजना आयोगया दुजः जुयाः सेवा यानादीगु जुल ।