स्वनिगलं पिनें पिदंपिं नेपालभाषाया भाषिक अभियन्तापिं मध्ये भाजु जीवेश्वर लाखे नं छम्ह खः । वय्कःया जन्म बि.सं.१९९४ य् यलय् जूगु खः । लिपा वय्कः थाय्बाय् हिलाः बिराटनगरय् च्वं झाल ।
वय्कःया मांया नां सूर्यलक्ष्मी व बाःया नां जीतलाल लाखे खः । नेवाःतय् उत्थानय् वय्कः सदां सक्रिय जुयादी । नेवाः देय् दबू नीस्वनेगु ज्याय् नं वय्कःया ज्वःमदुगु योगदान दु । वय्कः आवद्ध जुयादीगु संघसंस्था थुकथं दु – झी पुचः विराटनगर (संरक्षक), महेन्द्र मोरङ कलेज (सह–प्राध्यापक), दिग्दर्शन साप्ताहिक (प्रधान सम्पादक) व मेमेगु संघसंस्था । वय्कःया कृति– राजनीतिक शास्त्र : एक परिचय (सह लेखन) व मेमेगु यक्व च्वसु ।