चिकंबही, यलया वैद्य वृषमान वन्द्य व मां मुनिथकुं वन्द्यया क्वखं जन्म जूम्ह इन्द्रमान वैद्य शाक्य भिक्षु लिपा वैद्य इन्द्रमान नामं चर्चित जुल । ने.सं. १०१८ स जन्म जूम्ह वय्‌कः धर्मादित्य धर्माचार्यया दाजु खः । चिकित्सा सेवाया ज्या यानादीम्ह वय्‌कलं थीथी विधाया सफू नं च्वयादीगु दु ।

वय्‌कलं बौद्ध साहित्यय् अति लोकंह्वाःगु ग्रन्थ धम्मपद नेपालभाषां न्हापां अनुवाद यानादीगु खः । ने.सं. १०५० स पिदंगु थ्व सफू नेपालभाषाया बौद्ध साहित्यय् महत्वपूर्ण कृति खः । ने.सं. १०९५ स वय्‌कः दिवंगत जुयादिल ।