मां मैयानानी हाडा व बौ कृष्णभक्त हाडाया काय् जुयाः ने.सं. १०५१ कौलाथ्व १३ कुन्हु इच्छुत्वाः लास्कुध्वाका, ख्वपय् जन्म जुयाः थौकन्हय् च्याम्हासिंह त्वाः ख्वपय् च्वनादीम्ह नरेन्द्रभक्त हाडा नेवाः आन्दोलनय् सकस्यां म्हस्यूगु नां खः । जीवनया ताःई स्यनामि जुया ज्या यानादीम्ह वय्‌कःया म्हसिका मालेगु झ्वःलय् (च्वसु मुना, ११३९) पिदंगु दु । विराट नेपालभाषा साहित्य सम्मेलनया संस्थापक दुजः, नेवाः देय् गुथि, नेपालमण्डलया संस्थापक न्वकु, सिद्धिदास प्रतिष्ठान ख्वपया संस्थापक नायः, नेवाः अधिकार सिरपाः समितिया दुजःया नापं आपालं नेपालभाषा व नेवाः जातिया अधिकारया निंतिं ज्या यानाच्वंगु खलः पुचः नापं स्वापू दुम्ह नरेन्द्रभक्त हाडा नेवाः आन्दोलनय् सक्रियम्ह व्यक्तित्व खः ।