किसली तयाः स्यनेगु धकाः नेवाः संगीत स्यनीबलय् नासःद्यः पुज्यानाः मोहनि फयेमाः । थजाःगु ,यात नासःमोहनि धाइ । मेबलय् नासःपुजा याःसां मोहनि फये मज्यू । गुरुं नासःमोहनि तिकलकि तिनि औपचारीककथं स्यँमि जुइ ।
नासःमोहनि तिनाः छुं विद्या सयेकाच्वंगु बखतय् स्यँमिपिन्सं विशेष नियम पालन यायेमाः । गथेकि सुनानं हाचां गायेके मज्यू, सुयागुं चिप नये मज्यू, थम्हं सयेकागु विद्या आखाछेँदुने बाहेक पिने कने क्यने
मज्यू । स्यनेज्या पूवंका पिदने पुजा सिधलकि
नासःमोहनि तिनातःपिं सकल स्यँमिपिंत मेगु सिन्हः तिकी । थुकियात नासःमोहनि लित तयेगु धाइ ।
अनंनिसें नासःमोहनि तिनातःबलय्या फुक्कं नियम ब्यनी ।