कलाकार छधाः प्याखं पुचःया च्वमि प्रकाश प्रधानाङ्ग खः । ने.सं. १११७ य् डा. कृष्णभगत प्रधानाङ्ग होमिया हाउसपाखें थुगु सफू पिदंगु खः । सफुलिइ टिबी, कलाकार, वैत व बुद्धि, मचाम्ह डाक्टर, रहस्य व पृथ्वीपालया अन्तिम न्हि नाटकत दुथ्याःगु दु ।
कल्याणी न्याधाः दुगु प्याखं जनकलाल वैद्यं च्वयादीगु खः । थुगु सफू जनकलाल वैद्यपाखें हे ने.सं. १०८७ ञलाय् पिदंगु खः । थुगु नाटकय् च्वमिं पौराणिक बाखं स्वस्थानीया लिधंसा कयाः पुलांगु धारणायात न्हू कथं स्वयेगु व छ्यलेमाः धयागु बिचाः प्वंकादीगु खः ।