क्वाति निबन्धकार फणीन्द्ररत्न वज्राचार्यं च्वयादीगु झिँछपु निबन्धया मूना खः । थ्व नेपालभाषा परिषद्पाखें पिथंगु स्वंगूगु निबन्ध सफू खः । नेपालभाषाया उच्च कक्षाया ब्वनामितय्‌त ग्वाहालि दइ धइगु आशां पिकाःगु थ्व सफुलिइ झिंछपु निबन्ध गं, खिचाया न्हिपं, चिरफारया कोथाय् छन्हु, इन्भरकार्गिलय् नेपाली कतांमरि, अर्थशास्त्र ब्वनागु, क्वाति झीगु संस्वृतिया ति, चिगो कय्गू, सली, आसे, भुतिमालि, ला दुथ्यागु दु ।

क्वायेभु निबन्ध सफू ध्याचूमि हृदयप्रसाद मिश्रया सफू खः । थ्व छगू ध्याचू च्वखँ मुना खः । ने.सं १११७ य् कपाली एच.कें पिकयादीगु थ्व सफुलिइ झिंस्वपु च्वखँ दुथ्याःगु दु । थुकी राजनीतिक, सामाजिक, आर्थिक व सांस्वतिक दुष्चक्रयात ध्याचू नकातःगु दु ।