खँग्व : सीमाहीन, सीमाहीन जि नांगु सफू नेपालभाषाया नांजाःम्ह आधुनिक कवि डा. आनन्द जोशीं च्वयादीगु सछि व छपु हाइकुया संग्रह खः । ने.सं ११३० य् रुवरिक पाखें पिदंगु थ्व सफुलिइ प्रत्येक छपाः छपाः किपाया छपु छपु हाइकु च्वयातःगु दु । प्रकृति, जीवन, विकास व मानवीय अन्तर सम्बन्ध बारे न्हूगु आयाम बीगु कुतः थौंया कविताया लक्ष जुइमाः धैगु कवि आनन्द जोशीया गुगु धारणा खः थ्व हे सिद्धान्तप्रति प्रतिवद्ध जुयाः न्ह्याःवनेगु चेष्ठा थ्व संग्रहय् जूगु दु ।

खः ला मखुला नाटकया च्वमि श्रीकृष्ण अणु खः । थुगु ख्यालः प्याखं मुना ने.सं. १०९७ गुरुपुन्हिबलय् पासा पुचःपाखें पिथंगु खः । थुगु सफुलिइ दुथ्याःगु नाटकत थुकथं दु – रेडियो प्रोग्राम, अबुया म्हय् भुखाय् ब्वल, तांतिं ग्वःजा, तिनांचा मुखिया, ग्वाय्‌पिया सुकूद्यां खिखांमुगः, तंबैक, ल्याःचाः, अम्लि ख्येँ घ्यँ घ्यँ, खःला मखुला ।