ने.सं. ११२५ दँय् ‘गुरुमापा’ संकिपाय् एनिमेशन प्रबिधि दुथ्याकाः प्रदर्शन जुल । थुगु संकिपाया च्वमि व निर्देशक शान्तराज शाक्य खः । कलाकार– बिजयज्योति, मधु शाही, बिक्रम बज्राचार्य, किरण शाक्य व बसन्त शाक्य खः । नेपाल संम्वत् ११३७ दँय् नेपाल सम्वत्या प्रवर्तक संखधर साख्वाःया जीवनी बाखं हनाः ‘संखधर साख्वाः’ न्हापांगु नेवाः कार्टुन एनिमेशन संकिपा पासा पुचः गुथि, यु.के.पाखें संयुक्त श्रेष्ठपाखें निर्माण व प्रदर्शन जुल ।