तारया बाजं दक्वं थ्व ब्वय् ब्वथले फइ । तारयात ल्हाःया पतिं बाय् मिराजं थाइगु बाजं दक्वं तत् बाजं खःसां नेवाः परम्परागत बाजनय् थजाःगु बाजं मदु । तारयात गजं किइगु बाजं वितत् बाजं खः । नेवाः परम्पराय् पिवांचा छता जक वितत् बाजं दु ।

पिवांचा तनावने धुंकूगु तार दुगु छता हे जक परम्परागत नेवाः सूरबाजं खः । निपु तार दुगु थ्व बाजं पतिंचां बाय्‌ गजं कियाः थाइ । न्हापा दापा व मेमेगु भजनय्‌ पिवांचा थाइगु खः । थ्व बाजनं मेया धुन थायेज्यू ।