मय्‌जु प्रज्ञादेवी शाक्यया जन्म ने.सं १०७५ य् अबु धर्मानन्द शाक्य व मां चन्द्रदेवी शाक्यया कोखं येँया मासंगल्ली जूगु खः । नेवाः अभियन्ता राजा शाक्यया केहेँ व नरेशवीर शाक्यया तिरीमय्‌जु जुयादीम्ह प्रज्ञादेवी शाक्य थःगु विद्यार्थीकालं निसें भाषा साहित्यया ज्याखँय् न्ह्यचिलादीम्ह मय्‌जु खः । थ्वय्‌कःया जनबहाःद्यःया नित्य पुजा व द्वादस तीर्थ महिमा यानाः निगू धार्मिक विषयया सफू पिदंगु दुसा थीथी पत्रपत्रिकाय् बाखं व कविता पिदंगु दु । बाखंख्यलय् नेवाः सामाजया सांस्कृतिक परिवेशय् बाखं च्वयादीम्ह छम्ह सामाजिक यथार्थवादी बाखंच्वमि कथं थ्वय्‌कःयात म्हसीकेगु जूगु दु ।