भीम विराग अर्थात भीमबहादुर महर्जनया जन्म वि.सं. १९९१ सालय्‌ वीरगंजय्‌ जूगु खः । अबु तुलसी बहादुर महर्जन व मां लक्ष्मीदेवी महर्जन खः । वय्‌कः म्येहालामि, लय्‌ चिनामि व च्वमि नं खः । वय्‌कलं खस नेपाली बाहेक नेवाः म्ये नं दयेकादीगु दु तर नेवाः म्ये पिकायेगु वय्‌कःया इच्छा पूमवन । वय्‌कः २०६८ सालय्‌ थ्व संसार त्वःतावन । तर छपु नेवाः म्ये ‘धाये थें धाये थें छुं हे मधासे’ खँग्वःया म्ये याकनं हे रेकर्ड जुइगु झ्वलय्‌ दु । नेपाली संगीत ख्यलय्‌ वय्‌कः तसकं लोकह्वाः ।