नेपालभाषाया न्हापांगु रक एन रोल म्ये हालादीम्ह सर्जक प्रेमध्वज प्रधान खः । न्हापांनिसें थाना वःगु तबला, मादल, हार्मोनियम स्वयां बिस्कं पाश्चात्य शैली छ्यलीगु आधुनिक बाजंत नं छ्यलीगुलिं ल्याय्‌म्हतय्‌त थजाःगु म्ये आपालं यः । ने.सं. १०७० पाखे दबुली प्रधानजुं थःम्हं हे गितार थानाः थजाःगु पहःया म्ये हालाः अतिकं लोकंह्वात । लिपा व हे म्ये ने.सं. १०८२पाखे डिस्क रेकर्डय्‌ भरे जूगु खः ।