भाजु रमेशचन्द्रजुया साहित्यिक नां रमेश मधु खः । वय्‌कःया जन्म ने.सं.१०५९ खः । वय्‌कलं नेपालभाषा व खस् नेपालीभाषं कविता, समालोचना, चिबाखं व चिनिबन्ध च्वयादी । ने.सं. १०८७ य् सितु पत्रिकाय् पिदंगु वर्तमान नांगु कविता वय्‌कःया न्हापां प्रकाशित रचना खः । रमेश मधु नेपालभाषा काब्यख्यलय् आधुनिक कविया रुपय् प्रतिष्ठित कवि खः । नेपालभाषाया आधुनिक कविताय् मनोविश्लेषण शैलीयात दकलय् न्हापां दुथ्याकूम्ह कवि नं खः । वय्‌कःया तःपु कविता विविध पत्रपत्रिकाय् पिदंगु दु । कृतिगतरुपं सफू धाःसा पिहांवःगु मदुनि । वय्‌कलं सम्पादन यानादीगु सफू पाचिना (विविध, ने.सं.१०८७) खः ।