रवि साय्मि संकिपा निर्देशक व क्यामेरापर्सन खः । वय्कःया जन्म ने.सं. १०९० बछलाथ्वः द्वादसि, सोमबारखुन्हु जूगु खः । वय्कःया मांअबुया नां पूर्णकुमारी मानन्धर व धर्मनारायण मानन्धर खः । आपालं संकिपा व डकुमेन्ट्रिइ निर्देशक व क्यामेरापर्सन जुयाः ज्या यानादी धुंकूम्ह वय्कः नेपाःया ऐतिहासिक बाखनय् आधारित नेवाः संकिपा ‘जामनः गुभाजु’या निर्देशक खः । ‘भिन्तुना दु भिन्तुना’, ‘यःबाः’ व ‘जीवन अनमोल खः थ्व जीवन’ लिसेंया आपालं म्यूजिक भिडियोया निर्देशन यानादी धुंकूम्ह वय्कलं ‘पटाचारा’ संकिपाया क्यामेरापर्सन जुयाः ज्या यानादीगु खः । वय्कलं ‘चाल्र्स डार्विन फिल्म फेस्टिभल २०१७’ य् बेस्ट सिनेमाटोग्राफरया अवार्ड व नेपालभाषा स्टार म्यूजिक भिडियो अवार्डय् बेस्ट म्यूजिक भिडियो निर्देशकया अवार्ड त्याकादीगु दु ।