बिलबहादुर महर्जन व शान्ति महर्जनया कोखं ने.सं. १०९२ सिल्लाथ्वः नःमि, सोमबारखुन्हु धरानया पुतली बजारय् राजेश महर्जनया जन्म जूगु खः । थौंकन्हय् किपूया थांबहालय् च्वनादीम्ह वय्कलं गायन व संगीत ख्यलय् थःत पाना वयाच्वंगु दु । वय्कःया न्हापांगु कृतिकथं ने.सं. ११३० दँय् ‘थ्व नुगः’ एल्बम पिदंगु खः । संकिपा ‘तापलय्’या ‘तुयुगु ख्वालय्’ नांया मे, ‘किपूया मे’ लिसें वय्कःया आःतक नीपुति मे पिदंगु दु । पेज थ्री नेपालभाषा पिपुल्स च्वाइस अवार्डय् ‘वेस्ट न्यू ट्यालेन्ट’या सिरपाः त्याकादीधुंकूम्ह वय्कः थांबहाः दाफा खलःया दुजः खः ।