ने.सं.१०७५ य् ख्वपय् जन्म जूम्ह भाजु रामभक्त कायस्थ नेपालभाषा साहित्यया आधुनिक गद्य कविताया ख्यलय् वंग ४५ दँ न्ह्यःनिसें निरन्तर कविता च्वयाः वैच्वनादीम्ह कवि खः । दकलय् न्हापां वय्‌कःयागु छम्ह फोगिं नांयागु कविता ने.सं.१०९३य् हसना पत्रिकाय् पिदंगु खः । वय्‌कः विशेष यानाः मुक्तक कविता च्वयेगुलिइ पोख्त । लिपांगु इलय् वय्‌कः हाइकु च्वयेगुलिइ तसकं व्यस्त जुयादीगु दु । वय्‌कः नेपालभाषा हाइकु ख्यलय् दकलय् यक्व हाइकु च्वयादीम्ह हाइजिन खः ।

वय्‌कःया पिदने धुंकूगु कविता, हाइकु सफूयागु धलः थुकथं खः –जिन्दगी (ने.सं.११०१), कविता जि दुनेया (ने.सं.११२५), तिकिया फुति (ने.सं.११३१), लखय् लूगु किचः (ने.सं.११४२) जिगु म्ये छंगु सः (ने.सं.११४३)।