धरानय् नेपालभाषा व शिक्षाया ख्यलय् सक्रिय जुयादीपिं मय्‌जुपिं मध्ये बिष्णुदेवी श्रेष्ठ नं छम्ह खः । वय्‌कःया जन्म बि.सं.१९८२ कार्तिक २७ गते जूगु खः । वय्‌कःया मांया नां चम्पादेवी व बाःया नां रत्नप्रसाद श्रेष्ठ खः । वय्‌कलं धरानया झिंन्यागू ब्वनेकुथिइ छात्रवृत्ति बियाः मचातये्त ब्वंकेगु ज्या यानादिल । वय्‌कलं ज्याथः मिसातय्‌त आखः ब्वंकेत ब्वनेकुथि स्थापना यानादिल । धरानया नेपाल महिला संगठनया नायः जुयादीम्ह वय्‌कः बि.सं.२०७० सालय् दिवंगत जुयादिल ।