संगीतकार गायक नगेन्द्र हाडाया जन्म वि.संं १९९८ य्‌ ख्वपय्‌ जूगु खः । थः झिंच्यादँ दुबलय्‌ अथे धयागु वि.सं. २०१६ निसें म्ये हालादीम्ह वय्‌कः नेपालभाषा आन्दोलनया इलय्‌ आपालं म्ये हालाः योगदान बियादीम्ह खः । मदनकृष्ण श्रेष्ठलिसे जानाः हालादीगु, संगीत तयादीगु वय्‌कःया ख्यालि म्ये तसकं तसकं लोकंह्वाः । ‘मरु गनेद्यःया देगलय्‌ गजू मदु…’ थें ज्याःगु वय्‌कःया यक्व हे लोकंह्वाःगु म्ये दु । वय्‌कःया काय्‌पिं नं संगीतख्यलय्‌ हे सक्रिय दु । वय्‌कःया सलय्‌ दुगु ‘ग्वाहालि ग्वाहालि थिके जुल..’ म्ये आःतक नं सान्दर्भिक ध्याचू म्ये खः ।