ने.सं. ११०२ यंलाथ्वः त्रयोदसि, बुधबारखुन्हु बौ राम्येश्वर महर्जन व मां ज्ञानीमति महर्जनया कोखं किपूया नःगामय्‌ म्येहालामि रानी शोभा महर्जनया जन्म जूगु खः । वय्‌कः नेपालभाषा व खस नेपालीभाय्‌या यानाः पीपुं मल्याक म्ये हाला दीधुंकूगु दु । ‘स्वदेशया मुलय्‌’, ‘दुघाः’, ‘जुलुस’, ‘झी नेवाः’, ‘जनता बुइ मखु’ लिसें थीथी म्येय्‌ वय्‌कलं थःगु सः बियादीगु दु । वय्‌कः इन्द्रेणी सांस्कृतिक समाजया दांभरि खःसा पारिजात स्मृति केन्द्रया संचालक दुजः खः । थीथी संघसंस्थाय्‌ आवद्ध वय्‌कःयात सार्थक जनसंगीत प्रतिष्ठानपाखें सम्मान ब्यूगु दु ।