गायक सत्यनारायण राजभण्डारीया जन्म वि.सं. २००९ सालय्‌ अबु लक्ष्मीप्रसाद राजभण्डारी व मां मि।ी राजभण्डारीया कोखं जूगु खः । २०२२ सालं निसें म्ये हालेगु सुरु यानादीम्ह वय्‌कः व जुजुकाजी रंजीतया ज्वः तसकं लोकंह्वाः । नेपालभाषा भाषिक आन्दोलनया झ्वलय्‌ वय्‌कलं संगीत ख्यलं तःधंगु योगदान यानादीगु दु । ‘स्वःलिसे स्वये मगाः, हिसि दुम्ह मय्‌जु’ वय्‌कःया तसकं लोकंह्वाःगु म्ये खः । नेवाः म्येया ख्यलय्‌ ल्वःमंके मफइम्ह वय्‌कलं खस नेपाली म्ये नं हालादीगु दु ।