सिखः थें यानाः मचा बुयाः तनीगु माः । छम्ह बल्लाःम्ह मनुखं निखे निम्ह मचा बुयाः छ्यनय् चाःहीकाः धुँन्या हीकी । धुँन्या हीकेत त्याःचा चिंक जनी ची । जनीया द्यःने फ्यतुकाः निखे जवंखवं निम्ह मस्त बुइ । मस्तय् तुतिं बूम्हेसित घय्‌पुइ । छम्हं मेम्हेसिगु ल्हाः ज्वनी । धुँन्या हीकीबलय् मस्तसें थसः पाये थें यानाः छ्यं क्वतछ्वइ । छ्यनय् धुँन्या चाःहीके धुंकाः धिमेया तालय् जवं छकः खवं छकः बँय् थीथे च्वंक धुँन्या क्वःथलाः थनी । क्वःथले सिधल धायेव मस्त क्वकयाः हानं छकः धुँन्या हीकी ।