ख्वाःपाः दुगु द्यः प्याखं हुइकेत निपाः ल्वाकाः थाइगु धातुया छताजि बाजं खः सिन्याल । भिंगु कँय्‌यागु थ्व बाजं तःपाःगु भुस्याः थें च्वंसां भुस्याः स्वयां यक्वं ख्वातुइ । थुकिया सि नं तःबाला जुइ । सिन्यालया दथुइ तपुलि थें थहां वःथाय्‌ दुगु ह्वतं पिकयातःगु पुतुइ ल्हाःया पतिं दुछ्वयाः निपा ल्हातं निपाः सिन्याल ल्वाकाः थाइ । सिन्याल दम्वःखिंया ग्वाहालि बाजंकथं तालया तालि व खालि ज्वः लाकाः थाइ ।