सुनिता श्रेष्ठ कलाकारित ख्यलय्‌ अभिनयया माध्यमं पलाः न्ह्याकाच्वंम्ह खः । यलया तंगः त्वालय्‌ जन्मजूम्ह वय्‌कःया मांया नां सीता श्रेष्ठ खः । वय्‌कलं बाणिज्य शाश्त्रय्‌ बिबिए यानादीगु दु । ने.सं. ११२४ पाखे टिभि सिरियल ‘समय्‌बजि’इ म्हिताः थ्व ख्यलय्‌ पलाः न्ह्याकूम्ह खः । समय्‌बजि , ख्वताबजि लिसेंया सिरियल या नापनापं आपालं नेवाः संकिपाय्‌ म्हितूम्ह खःसा ‘वाया दुने जाकि दु’, ‘जिगु मिखाया न्ह्यःने’, गज्याः गज्याःपिं मनूत दै थन’ लिसेंया आपालं खस नेपाली भाय्‌या संकिपा नं म्हिताच्वंम्ह खः । वय्‌कः नेपालभाषा स्टार म्यूजिक भिडियो अवार्ड २०२२ लिसें आपालं सिरपाः व सम्मान पाखें सम्मानित जुयादीगु दु ।