वय्कःया जन्म वि.संं १९८२ सालय् येँया इकुबहालय् जूगु खः । नेपाःया संगीत थपू यायेगु ज्याय् तःधंगु योगदान दुम्ह वय्कःया रेडियो नेपाल पलिस्था यायेगु ज्याय् तःधंगु योगदान दु । वय्कः नेपाःया लोकसंगीतया तःधंम्ह ज्ञाता खः । वय्कलं कर्णाली अञ्चल व गण्डकी अञ्चल झायाः लोकसंगीत संकलन, अध्ययन, अनुसन्धान यानाः सपूm पिथना दीगु दु । वय्कः ‘द्यःयात सिनाय् स्वां मय्जुयात ह्याउँगु स्वां’, ‘नाप च्वने मदुसां ख्वाः जक जूसां क्यं वा रे’ थें ज्याःगु लोकंह्वाःगु म्येया स्रस्ता नं खः । अथेहे वय्कःया पिहांवये ल्यं दनिगु नेवाः म्येत यक्व दनि । वय्कःया संगीतय् व सलय् रेकर्ड जुयाच्वंगु खस भाषाया म्येत रेडियो नेपालय् आपालं दु ।