चःमति नेवाः खलः व चःमति नेवाः संकिपा प्रोडक्शनपाखें ने.सं.११३९ दँय्‌ निर्माण जूगु थुगु संकिपाया निर्माता कान्छाभाइ ज्यापु व सानुछोरी ज्यापु, निर्देशक अनुज डंगोल व पूर्णकाजि ज्यापु खः । थुकी पूर्णकाजि ज्यापुया बाखं अले जुगल डंगोल व पूर्णकाजि ज्यापुया संगीत दु । संकिपाया छायाँकार सोहन मानन्धर खःसा थुकी कलाकारकथं निकि महर्जन, योगेन ज्यापु, अन्नपूर्णेश्वरी श्रेष्ठ व पूर्णकाजि ज्यापुपिं दुथ्याः । संकिपाय्‌ यँेदेय्‌या चःमतिइ चकंगु बुँख्यःया दथुइ न्हिलाख्वाः व नासलं ल्यूम्ह मिसा हिसिमतिया मतिनाया बाखं ब्वयातःगु दु ।