बा हर्षरत्न शाक्य व मां नानीशोभा शाक्यया कोखं ने.सं. १०७० यंलाथ्व ११ कुन्हु यलया नःत्वालय् जन्म जूम्ह भाजु हेरारत्न शाक्य छम्ह भाषिक अभियन्ता नं खः । ईल्वहं एल्भीस सिरपालं छाय्‌पीधुंकूम्ह भाजु शाक्य इलय् ब्यलय् नेपालभाषां हाइकु, चिबाखं च्वयाः नेपालभाषा साहित्य थीथी पत्रिकाय् पिथनाः मांभाय्‌या सेवा यानाच्वनादीम्ह खः । बुद्ध धर्मय् आस्था दुम्ह मनू जूगुलिं वय्‌कलं थःगु स्वांया पुन्हि (स्मारिका), युवक बौद्ध मन्डल नेपालया परिचय व बुद्दधर्म सम्बन्धी न्ह्यसः लिसः (स्मारिका, ने.सं.११११) सम्पादन यानादीगु दु ।