विश्वय् नेपाःयात म्हसीकाच्वंगु नेवाःतय् कला, संस्कृति, सभ्यता नं छता खः । नेवाःतय् उत्कृष्ट कलाकारिता गथेकि वास्तुकला, स्थापत्यकला लिसें सुवर्ण कलाकारिता नं खः । थजाःगु ज्या याइपिं अर्थात बुत्ताकीपिं, कतांकिज्या याइपिंत ख्वपय् न्हापांनिसें बियातःगु दर्जा खः निवा । थ्व हे निवातय्गु अद्योपान्त इतिहास खः थ्व ख्वपया निवा शाक्यतय्गु इतिहास सफू । थ्व सफूया च्वमि भाजु संघरत्न निवा शाक्य खः । थ्व सफू आरती गुथि निवा संघ, जेतवर्ण महाविहारपाखें ने.सं ११४१ य् पिदंगु खः । ने.सं. ६७० इ विश्व मल्लया शासनकाल निसें जुजु रणजित मल्ल ने.सं.८९० तकया प्रामाणिक अभिलेखया आधारय् थ्व सफू तयार जूगु दु । थ्व सफुलिइ ख्वपया नांजाःगु लुँध्वाखा दयेकूपिं कलाकारतय्गु गौरवमय इतिहास दुथ्यानाच्वंगु दु ।
Leave a Reply