प्रा. नर्मदेश्वर प्रधानया च्वसां पिज्वःगु जिगु कविता छिगु कविता पद्य कविता संग्रह ने.सं. ११२१ य् सान्त्वना प्रकाशनपाखें पिदंगु खः । थुकी खुइपु स्वछन्दबादी कविता दुथ्यानाच्वंगु दु । कविता दुने मतिनाया सागर दु । च्वमिं मतिना प्रेमिकायात जक मखु झंगः–पंछि, धू–ल्वहं–सिमा–झरना, सर्गः, खुशी आदियात सम्मान यानाः मतिना प्वंकातःगु दु । मतिनां प्रियया मौनताय् नं यइपुगु संगीतया अनुभूति बीगु व मतिनां हे थ्व संसारयात अनन्तकालतक तक न्ह्याकातःगु खँ नं प्वंकातःगु दु ।
Leave a Reply