बाखंमि लक्ष्मण राजवंशीया झिंखुपु बाखं मुनातःगु सफू खः— झसुकाः । नेपालभाषा एकेडेमिं ने.सं. ११२५ य् पिथंगु थ्व सफूया द्यवः किपा प्रेममान चित्रकारं च्वयादीगु खः । डा. सर्वोत्तम श्रेष्ठया ग्वाहालिं सफू पिथनेफुगु खँ बाखंमिं न्ह्यथनादीगु दु । नेपालभाषा एकेडेमिपाखें चान्सलर सत्यमोहन जोशीं थःगु मन्तुना तयादीगु दु । डा. पुष्पराज राजकर्णिकार व इन्द्र मालीं भूमिका च्वयादीगु दु । भिंतुनाया लिसः, गुज्वःगु ई, दे ला जिगु नं खः, मसां कुं भुनाच्वंगु दे, भ्यगः मैं, छिं स्वयाः, कंझाः, दिनाच्वंगु घडी, जिं छन्त ध्वं लाना, मतिनाया कु, ग्रहणं ज्वंम्ह तिमिला, लेहेँ पुयाच्वंम्ह तिमिला, हःताःया ख्यः, म्वयेद्याःगु ई, तःमुँज्या व समाजया गलः थुकीइ दुगु बाखं खः । इतिहास व वर्तमानय् थीथी पात्रतसें भोगे यायेमाःगु पीडाया चित्रण थुगु सफूया बाखनय् यानातःगु दु ।