झीगु नखः चखः निबन्ध पुण्यरत्न वज्राचार्यया वृति खः । थुकिया न्हापांगु संस्करण ने.सं. १०८४ य् च्वसापासा व निक्वःगु संस्करण १०९१ य् पूर्ण बुक स्टल पाखें पिथंगु खः । नखः चखः झीगु गौरव खः । परिस्थितिवशझिीत नखः हने थाकुया वल । अथेखःसां थ्व सफूपाखें च्वमिं झी नेवाः नखःचखः महंसे च्वने फइमखु अले झी नखः खः साःसाः भिभिं नया, न्ह्याइपुकाः, लय्ताया, बांबांलाक्क वसः पुनाः समाः यानाः हना वयाच्वनापि खः धैगु सन्देश बियादीगु दु । लेखकं थ्व सफू सरल भाषं च्वयादीगु दु । थुकी गथांमुगः पञ्जरां, गुंपुन्ही, येँया, चथाः मोहनी, स्वन्ति, योमरी पुन्ही, घ्यःचाकु संल्हु, सिलाचःह्रे, पाहाँचःह्रे व सिथिनखः बारेया निबन्ध दुथ्याःगु दु ।