नेपालभाषा निबन्ध पुचः भाजु इन्द्र मालीया सम्पादनय् ने.सं ११०३ य् पिदंगु नेपालभाषाया प्रतिनिधि निबन्धकारपिनिगु निबन्ध मुना खः । पासा मुना पाखें पिथंगु थ्व निबन्ध संग्रहय् नेपालभाषाया झिंखुपू प्रतिनिधि निबन्धरकारपिनिगु झिंखुपु निबन्ध दुथ्यानाच्वंगु दु । नेपालभाषाया निबन्ध विधाया प्रतिनिधित्व याके कथं थ्व संग्रहय् चित्तधर हृदयया ख्येँ थेंज्याःगु निबन्ध, रत्नध्वजया च्वयेगु छाय् थेंज्याःगु बस्तुपरक निबन्ध, प्रेमबहादुरया पौ थेंज्याःगु आत्मपरक निबन्ध, ठाकुरलाल मानन्धरया झी दिगू पुजा थेंज्याःगु अनुसन्धानमूलक निबन्ध निसें भूषणप्रसाद श्रेष्ठया जिगु नां छिगु नां थेंज्याःगु ध्याचूलिं जाःगु निबन्ध तकं थ्व संग्रहय् दुथ्यानाच्वंगु दु । थथे विषयवस्तुया ल्याखं जक मखु संरचनागत ल्याखं नं थीथी प्रकारया निबन्ध दुतिनातःगु थ्व सफू नेपालभाषाया बी.ए पाठ्यक्रमय् नं दुथ्याकातःगु सफू खः ।
Leave a Reply