नेवाः संस्कार व उकिया विधि सफू बलदेव जुजुं च्वयादीगु खः । ने.सं १११९ य् पिहांवःगु थ्व सफूया पिकाकः वैदिक प्रतिष्ठान खः । थुकी बुसांनिसें बुराबुरी जुइधुंकाः तक्क यायेमाःगु संस्कारया कर्मतय् बारे अध्ययन यानाः थुकीया दार्शनिक सिद्धान्त दुथ्याकाः च्वयातःगु दु । अथेहे गुगु संस्कारय् छुछु वस्तु ज्यरय् यायेमाःगु खः, उकिया धलः नं तयातःगु दु । थ्व सफू दुने जीवनया संस्कारया महत्व, नामाकरण संस्कार, मचा जंक्व सस्कार, बुस्खा संस्कार, कय्तापुजा संस्कार, इहि संस्कार, बाह्राः संस्कार, इहिपा संस्कार, ज्याःजंक्व कर्म व थीथी संस्कारया ज्वलंत बारे च्वयातःगु दु ।
Leave a Reply