पुलां कसि न्हूगु दापू समालोचक भाजु इन्द्र मालिं च्वयादीगु नेपालभाषा साहित्य सम्बन्धी थीथी विषयया अनुसन्धानमूलक रचनातय्गु संग्रह खः । त्रिवेणी साहित्य प्रतिष्ठानपाखें ने.सं १११७ पिदंगु थ्व सफू मालीजुं थःगु इलय् ब्यलय् थीथी पत्रपत्रिकाय् पिदनेधुंकूगु लेखयात छथासं मुनाः सफूया रुपय् पिकयातःगु रचनाया संग्रह खः । उकिं थ्व सफुलिइ दुथ्याःगुु रचनात छगू विधाय् केन्द्रीत जुयाच्वंगु मदु । थ्व सफुलिइ गुलिं अनुसन्धानात्मक लेख गथे संगीत चन्द्रोदय दुने नेपालभाषा, मल्ल ईया नेपालभाषाया कविता थेंज्याःगु च्वसुत दुथ्यानाच्वंगु दुसा गुलिं च्वमि इन्द्र मालीया थौंया नेपालभाषाया आधुनिक कविता, बाखं आदि सम्बन्धी धारणा दृष्टिकोण प्वंकातःगु विवेचनात्मक रचनात दु ।