राधाकृष्ण श्रेष्ठया च्वसां पिज्वःगु हाइकु मुना प्यसः व पीप्यकु हाइकु नांया सफू ने.सं. ११३१ य् पिदंगु खः । ४४४ पु हाइकु दुथ्यानाच्वंगु हाइकु मुनाया पिकाकः शान्ता देवी, महेन्द्रमान, शर्मिला व सत्यन्द्र श्रेष्ठपिं खः । थुकी दुने नेवाः संस्कृति जीवन दर्शनया खँ, नेवाःतय्सं थःगु मांभाय् त्वःता वंगु प्रति चिउताः, संस्कारय् वयाच्वंंगु विकृति, ध्यबा दयेवं घमण्ड याना जुइपिनिगु इतिहास, मनू जुयाः भिंगु कर्म याना वनेमाःगु खँ, ई लिसे थःत हिले फयेकेमाःगु खँ आदि जिन्दगीया थीथी भोगाइया दृश्यत न्ह्यब्वयातःगु दु ।
Leave a Reply