बागमती सभ्यता उद्भव व विकास सफू डा. साफल्य अमात्यं च्वयादीगु ने.सं ११३८स नेपालभाषा एकेडेमिया प्रकाशनं पिदंगु नेपालभाषाया छगू ग्यसुलाःगु सफू खः । झिगू अध्यायय् ब्वथलातःगु थ्व सफुलिइ नेपाःया केन्द्रविन्दु जुयाच्वंगु बागमति प्रदेशया सभ्यताया उद्भव विकास बारे थनया लोकोक्ति, पौराणिक बाखं निसें जुजु पृथ्वीनारायण शाह, राणा प्रधानमन्त्री जंगबहादुरया उदयतकया बागमती सभ्यताया स्वरुप न्ह्यब्वयातःगु दु । अथे हे बागमती सभ्यता ब्वलंकेगुली तत्कालिन लिच्छवी, मल्ल शासकपिं व बौद्ध विहारतय्गु महत्वपूर्ण भूमिका दुगु खँ नं थ्व सफुलिइ उल्लेख यानातःगु दु ।