मानन्धरतय्गु विषय छुं खँ… नांगु च्वखँ संग्रह नांजाःम्ह संस्कृतिविद् भाजु ज्ञानकाजी मानन्धरं च्वयादीगु खः । थ्व सफू केन्द्रीय मानन्धर संघं ने.सं. ११३३ य् पिथंगु खः । थ्व मानन्धरतय्गु बारे छगू अनुसन्धानात्मक सफू खः । थ्व सफुलिइ विशेष यानाः भ्वँत अर्थात् बनेपा लिसे स्वापू दुपिं मानन्धरपिनिगु बारे यक्व जानकारी बियातःगु दु । पन्ति व ख्वपया मानन्धरतय्गु बारे नं निपु च्वसु दुथ्याःगु दु । च्वमिं थ्व सफूया दकलय् लिपांगु ब्वय् थः अबु मोहनलाल खिँ बारे अलग्ग हे छपु च्वसु च्वयादीगु दु ।
Leave a Reply