मूसः निबन्ध – नेवाः सांस्कृतिक ज्ञानकोश

मुस निबन्ध प्रा. डा. कमलप्रकाश मल्लं मुनादीगु च्वखँया संग्रह खः। च्वसापासा पाखें ने.सं. १०८४ य् पिदंगु थ्व सफू विशेषत त्रिभुवन विश्वविद्यालय बी.ए.यागु पाठ्यक्रमया लागि पिकाःगु सफू खः । थुकि चित्तधर हृदय, मोतिलक्ष्मी उपासिका, ठाकुरलाल मानन्धर, रत्नध्वज जोशी, हृदयचन्द्र सिंह, हेमलाल जोशी, प्रेमबहादुर कसाः कुलधर्म रत्न तुलाधर, सत्यमोहन जोशी, वृष्णबहादुर मानन्धर, वृष्णचन्द्र सिंह, ईश्वरानान्द श्रेष्ठाचार्य, जगतबहादुर जोशी, सुदर्शन श्रमशेर, न्हूछेँबहादुर (कलम), नीलवीरसिंह कंसाकार, फणीन्द्ररत्न वज्राचार्य, ठाकुरमान शाक्य, तेजेश्वर बाबु ग्वंगः, भुवनमान कायष्ठ, पूर्णबहादुर वैद्य, पद्मरत्न तुलाधर व माधवलाल कर्माचार्य थेंज्याःपिं नेपालभाषाया शीर्ष व्यक्तित्वतय्‌गु परिचयसहित उमिगु च्वसु दुथ्याःगु दु । थ्व सफूया दकलय् महत्वया विषय धयागु थ्व सफुलिइ भूमिका कथं दुथ्याःगु सम्पादक कमलप्रकाश मल्लया मुक्त गद्यया लँय् नेपालभाषा धयागु ओजपूर्ण च्वखँ खः । थ्व भूमिकां केवल निबन्ध साहित्यया इतिहास जक मखु नेपालभाषाया गद्य साहित्यया इतिहास हे ब्वयाब्यूगु दु ।

Leave a Reply Cancel reply