मेरीबाबा नांगु सफू नेपालभाषाया नांजाःम्ह च्वमि भाजु चित्तरञ्जन नेपालीं च्वयादीगु आधुनिक खण्डकाव्य खः । ने.सं ११२९ य् नेपालभाषा एकेडेमिया लुखां पिदंगु थ्व खण्डकाव्य च्वमि चित्तरञ्जनं परम्परागत खण्डकाव्यय् थें सुं ऐतिहासिक वा पौराणिक महापुरुष वा विरांगनायात पात्र दयेकाः मखु थः तिरी मय्जु मेरीबाबायात हे मू पात्र यानाः, थःगु वलिसे इहिपाः जूगु घटनां निसेंया विषययात कयाः ज्यानातःगु खण्डकाव्य खः । गुंगू अंकय् ब्वथलातःगु थ्व खण्डकाव्यय् थः मय्जु मेरीबाबाया जीवनय् छगूयां ल्यू मेगु यानाः वःगु पंगः नाप गुकथं सामना यायेमाल धैगु क्यनेगु यानातःगु दुसा मेखेर छम्ह मिसाया जीवनय् थः जीवन पासायागु क्वाःगु माया मतिना दत धाःसा वं थःत जूगु अनेक रोगनाप नं ल्वानाः त्याकेफु धैगु नं क्यनातःगु दु ।