नागबहालं आल्को हिति वनेगु लँपुइ इखाछेँ बही दु । यलया मूबही मध्ये छगू खः । थ्व त्वालय् निगू बही दु – पिन्तुबही व दुन्तुबही । थ्व निगू बही थवं थवय् थितुंथीक दयेकातःगु दु अले निगूयातं इखाछेँ बही हे धाइ । पिन्तुबही (गोपिचन्द्र मिश्र संस्कारित गोपिचन्द्र महाविहार) खः ।
थ्व बहीया मूलुखा दुने अंगलय् महाकाल व हनुमानया मूर्ति दु । दुने प्यखेरं फः थकयातःगु दु । बहीद्यःया लुखाय् वनेगु त्वाथः जःखः सिंह तयातःगु दु । लुखाया न्ह्यःने छखे पद्मपाणी लोकेश्वर व मेखे गं तयातःगु दु । कलात्मक लुखाया दुने गन्धकुटीइ अक्षोभ्य बुद्ध दु । वयां च्वय् बार्दलि पिकयातःगु दु अले छचाःखेरं थथे हे बार्दलि दु । बही देगःया च्वय् गजूसहितगु देगःचा दयेकातःगु दु । बहीया दुने अशोक चैत्य व चिनालय् चैत्य अले धर्मधातुमण्डल तयातःगु दु । थ्व बहीया निर्माता गोपिचन्द्र मिश्र सुनयश्री मिश्र ब्राम्हणया अनुयायी जुयाच्वन । व कपिलवस्तुं थन वयाः स्वयम्भू दर्शन यानाः थन हे च्वनाछ्वत धइगु न्यनेदु ।
There is a room with Chakrasambar and Vajrakil deity above the main deity. It is said that an Indian scholar meditated for 12 years and established Vajrakil. Religious programs such as Bande Luigu, Nayah Luigu, Thapah Twayegu etc. are being carried out here under the leadership of the Panchasthavira Aju. Similarly, the members have been performing daily puja, aarti and reciting stotras. There are 32 members in the Union.
थन दँय्दसं कृष्णपक्षया दशमीकुन्हु आजुपिं मुनाः आगमय् दशमी पुजा न्ह्याकी, अथे हे दँय्दसं यम्बहाःया गुरुजुपिं बिज्याकाः प्रज्ञापारमिता पाठ याकेगु चलन दु । थन दछियंक वैशाखशुक्ल चतुर्थीकुन्हु देपुजा, गुंपुन्हिनिसें भाद्रकृष्ण द्वितीयातक तग्वः जाकि ब्वयेगु, श्रावणकृष्ण आमाइकन्हु लुँचिथाय् पुजा, भाद्रकृष्ण अष्टमीकुन्हु सोह्रश्राद्ध, कतिंपुन्हिकुन्हु चैत्य बुसाधं, आश्विनशुक्ल नवमी व दशमीकुन्हु आगंपुजा, पौषकृष्ण दशमी व एकादशीकुन्हु दिशी पुजा अले चैत्रकृष्ण दशमीकुन्हु दौपूजा जुयाच्वंगु दु । गुंलाबलय् थन गुंपुन्हिनिसें भाद्रकृष्ण द्वितीयातक स्वन्हुयंक तग्वः जाकि व चिग्वः जाकि ब्वयेगु यानावयाच्वंगु दु ।